Mae’n bleser gan Undeb Aber gyhoeddi ein partneriaeth newydd gyda’r cwmni dillad chwaraeon mawr ei fri, Macron. Daw’r bartneriaeth hon yn sgil pleidlais a basiwyd gan y myfyrwyr ac ar adeg gyfleus iawn, a ninnau wedi’n hail-enwi yn Undeb Aber.
O ddechrau’r flwyddyn academaidd newydd, Macron fydd cyflenwr swyddogol dillad a nwyddau chwaraeon ein holl glybiau chwaraeon a’n cymdeithasau. Nod y bartneriaeth hon yw gwella’r ansawdd a’r ystod o ddillad chwaraeon ar gael i’n myfyrwyr, gan sicrhau bod ein timoedd a’n haelodau yn gallu manteisio ar offer uchel ei ansawdd a chwaethus.
Dywed Jamie Sylvester o Macron Store Caerdydd “Mae’n bleser ac yn fraint cael gweithio gydag Undeb Aberystwyth fel cyflenwr offer swyddogol dros y 5 mlynedd nesaf. Rydym wrth ein boddau estyn ein portffolio addysg ac yn edrych ymlaen at gynhyrchu nwyddau o ansawdd uchel i fyfyrwyr a staff ac hoffem ni fachu ar y cyfle hwn i groesawu timau Prifysgol Aberystwyth i’r Teulu Macron.
Wrth sôn am y bartneriaeth newydd cyffrous, meddai Tiff McWilliams, Swyddog Cyfleoedd Undeb Aber:
“yn sgil y bleidlais gan yr holl glybiau, dyma benderfyniad y myfyrwyr ac rydyn ni nawr yn edrych ymlaen yn fawr at weithio’n agos gyda Macron a Thîm Aber wrth drosglwyddo’r awenau. Ein nod yw sicrhau bod profiad pob cymdeithas a chlwb yn un didrafferth wrth newid cyflenwr dillad chwaraeon. Er mwyn sicrhau bod pawb yn cael y nwyddau iawn, byddwn ni’n gweithio ar y cyd gydag arweinwyr clybiau i ateb eu hanghenion a’u dewisiadau penodol. Os oes angen unrhyw help yn ystod y newid, mae croeso i chi gysylltu.”
Timau TîmAber, dilynwch ni i gael yr wybodaeth ddiweddaraf ar sut y gallwch brynu y dillad chwaraeon Macron newydd. Fe gredwn ni y bydd y bartneriaeth hon o fudd mawr i’n corff myfyrwyr ac y gwnaiff gyfrannu at feithrin diwylliant chwaraeon mwy llwyddiannus a bywiog fyth yn Aberystwyth.
I gael manylion pellach, ewch i’n gwefan neu gysylltu ag Undeb Aber.